لندن میں نواز شریف سے علیم خان اور اداکار عدنان صدیقی کی ملاقات
لندن (نوائے وقت رپورٹ) علیم خان گروپ کے سربراہ عبدالعلیم خان نے لندن میں سابق وزیراعظم اور مسلم لیگ (ن) کے قائد نواز شریف سے ملاقات کی جس میں ملک کی سیاسی صورتحال اور دیگر امور پر تبادلہ خیال کیا گیا۔ علیم خان نے اس حوالے سے بتایا کہ ابھی سیاسی گفتگو نہیں کر سکتا‘ ملک کے حالات بہتر ہوں گے ۔ مزید برآں لندن میں سابق وزیراعظم و مسلم لیگ (ن) کے قائد نواز شریف سے اداکار عدنان صدیقی نے ملاقات کی ہے۔ ملاقات کے حوالے سے عدنان صدیقی نے بتایا کہ لندن میں فلم کی تشہیر کر رہے ہیں اور سابق وزیراعظم کو فلم دیکھنے کی دعوت دینے آیا تھا۔ نواز شریف سے ملاقات بہت زبردست رہی اور انہوں نے ملاقات میں انڈسٹری کی بہتری کیلئے اقدامات کا بتایا۔ ملاقات میں فلم پالیسی سے متعلق بھی گفتگو ہوئی۔
