گجرات (نامہ نگار) میلے میں دربارکے تنازعہ پر دو گروپوں میں فائرنگ کے نتیجہ میں ایک قتل جبکہ 5 زخمی ہو گئے۔  کنجاہ کے علاقہ ایشرہ میں دربار مائی خورشید بی بی پر جاری میلے میں دو گروپوں کے درمیان دربار تنازعہ پر لڑائی جھگڑا کے بعد فائرنگ شروع کر دی گئی ،گدی نشین ذوالفقار شاہ ہلاک ہو گیا۔
  5افراد وقار شاہ، بشیر احمد، افضل حسن، محمد صادق اور 12سالہ بچہ ہارون زخمی ہو گئے، جنہیں میجر شبیر شریف ہسپتال طبی امداد کیلئے منتقل کر دیا گیا جبکہ گدی نشین کی نعش پوسٹمارٹم کیلئے ہسپتال منتقل کر دی۔