لاہور(سپورٹس رپورٹر) قومی کرکٹ ٹیم کے سابق کپتان سلمان بٹ نے کہا ہے کہ کنڈیشنگ کیمپ کا طریقہ کار سمجھ سے باہر ہے۔ اتنی بڑی تعداد میں کھلاڑیوں کو بلانے کی کیا ضرورت تھی پھر دو حصوں میں کیمپ کا انعقاد اور بھی زیادہ حیران کن ہے۔ پہلے مرحلے میں کیمپ کا حصہ بننے والے کھلاڑی بعد میں کیا کریں گے۔ اس وقت میں تو کھلاڑیوں کی خامیوں کو دور کرنے پر کام ہونا چاہیے، عمومی طور پر ایسے کیمپس فزیکل فٹنس کو بہتر بنانے کے لیے لگائے جاتے ہیں اگر یہ کام کرنا ہے تو پھر کیا بورڈ حکام نہیں جانتے کہ تمام کرکٹرز جم ٹریننگ میں مصروف رہتے ہیں۔ بہرحال دیکھنا یہ ہے کہ آنے والے دنوں میں اس کیمپ کے حوالے سے کیا تفصیلات سامنے آتی ہیں۔