گوجرانوالہ (فرحان میر سے) تحریک انصاف کل گوجرانوالہ کے جناح سٹیڈیم میں کل اپنا پاور شو کرنے جا رہی ہے جس کی تیاریاں مکمل کر لی گئیں۔ عمران خان بذریعہ جی ٹی روڈ لاہور سے گوجرانوالہ پہنچیں گے سکیورٹی خدشات کے پیش نظر لاہور تا گوجرانوالہ کسی مقام پر استقبالیہ کیمپ نہیں لگائے جائیں گے۔ ٹکٹ ہولڈر چوہدری صدیق اور خواجہ خالد عزیز لون میں سے کسی ایک کے گھر عمران خان ٹکٹ ہولڈرز سے ملاقات اور رات کا کھانا کھائیں گے۔ فیصلہ آج ہوگا، جناح سٹیڈیم میں ہونے والے جلسہ میں 50ہزار سے زائد افراد کے بیٹھنے کے گنجائش ہے جبکہ تحریک انصاف کے رہنمائوں نے سٹیڈیم فل کرنے کیلئے میٹنگزجاری ہیں ،کمشنر گوجرانوالہ، سٹی پولیس آفیسر اورڈی سی سمیت ضلعی انتظامیہ کے افسروں نے اسٹیڈیم کا وزٹ کرتے ہوئے سیکیورٹی انتظامات کا جائزہ لیا بدھ کو ہونے والے جلسہ میں سابق وزیر اعظم عمران خان شام 6بجے خطاب کریں گے،سٹی صدر پی ٹی آئی خواجہ خالد عزیز لون اور ٹکٹ ہولڈر مستنصر ساہی کے مطابق جناح سٹیڈم میں تین منزلہ اسٹیج تیار کیا گیا، جلسہ گاہ میں 15ہزار کرسیاں لگائی گئیں ہیں جبکہ سٹیڈیم کے پولین میں 25ہزار افراد کے بیٹھنے کیلئیے قالین بچھائے جا رہے ہیں دوسری جانب پی ٹی آئی کے مقامی رہنمائوں نے ایم پی اے توفیق بٹ کی جانب سے پی ٹی آئی کی ریلی روکنے کی دھمکی پر بھی مشاورت کی اور مقامی ایم پی اے کو خبر دار کیا کہ اگر انہوں نے اب اس طرح کی دھمکی دی تو اس کا خمیازہ بھی وہ بھگتیں گے۔