پی ٹی آئی کے وکلاء کنونشن میں بد نظمی
لاہور (نیوز رپورٹر) عمران خان کے وکلاء سے خطاب کی تقریر بد نظمی کا شکار ہوگئی۔ وکلاء کنونشن سے خطاب کیلئے عمران خان کے پہنچتے ہی وکلاء نے سیلفی کیلئے گھیر ے رکھا۔ اس دھکم پیل کے باعث عمران خان کا سٹیج تک پہنچنا مشکل ہوگیا۔ عمران خان کو کافی دیر تک وکلاء نے گھیرے میں لئے رکھا۔ سٹیج سیکرٹری کی جانب سے بار بار اعلانات کے باوجود وکلاء نے انہیں راستہ نہیں دیا، تاہم مختلف سینئر وکلاء نے انہیں راستہ دلوایا جس کے بعد عمران خان سٹیج پر پہنچے اور تقریر شروع کی۔
