لاہور ( سپورٹس رپورٹر) پاکستان کرکٹ ٹیم کے سابق کپتان سلمان بٹ کو سنگاپور کرکٹ ٹیم کا  کنسلٹنگ ہیڈکوچ مقرر کردیا گیا ہے۔سنگاپور کرکٹ ایسوسی ایشن (SCA) نے ایک بیان میں کہا کہ 37 سالہ  پاکستانی کرکٹر کو کنسلٹنگ ہیڈ کوچ مقرر کیا گیا ہے۔رپورٹس کے مطابق سلمان بٹ کا پہلا چیلنج جولائی میں زمبابوے میں ٹی ٹونٹی ورلڈ کپ کوالیفائر ہوگا جس کے لیے وہ سنگاپورکرکٹ ٹیم کو اپنے تجربے کی بنیاد پر تیار کریں گے۔سلمان بٹ نے کہا کہ سنگا پور کرکٹ ٹیم سے منسلک ہونے پر خوش ہوں اور ذمہ داری بخوبی سرانجام دینے کی پوری کوشش کرونگا۔