لاہور(سپورٹس رپورٹر) قومی ویمنز ٹیم نے سری لنکا کو  7 وکٹوں سے شکست دیکر تین میچوں پر مشتمل ٹی 20 سیریز میں 2-0 کی فیصلہ کن برتری حاصل کرلی۔ کراچی میں کھیلے گئے دوسرے ٹی 20 میچ میں قومی ویمنز ٹیم نے سری لنکا کی جانب سے دیا جانے والا 103 رنز کا ہدف 3 وکٹوں  پر 17.1 اوورز میں حاصل کرلیا۔ عائشہ نسیم 45  جبکہ بسمہ معروف 22 رنز کیساتھ نمایاں رہیں۔ سری لنکا نے 6 وکٹوں پر 102 رنز بنائے تھے۔ حسینی پریرا 35 اور نیلاکشی ڈی سلوا 21 رنز بنا کر نمایاں رہی۔ انعم امین، فاطمہ ثنا، ندا ڈار، طوبیٰ حسن اور ایمن انور نے ایک ایک وکٹ حاصل کی۔