لاہور (سپورٹس رپورٹر) بھارت نے ویمنز کرکٹ چیمپئن شپ میں پاکستان کیساتھ کھیلنے سے انکار کردیا ، قومی ٹیم ایونٹ میں شریک بقیہ آٹھ ٹیموں کے مدمقابل ہوگی۔ویمن چیمپئن شپ میں ہر ٹیم چار ہوم اور چار اووے سیریز کھیلے گی ، گرین شرٹس جنوبی افریقہ ، آئرلینڈ ، سری لنکا اور ویسٹ انڈیز کی میزبانی کریگی۔ قومی ٹیم انگلینڈ ، نیوزی لینڈ ، آسٹریلیا اور بنگلہ دیش کا دورہ بھی کریگی ،روایتی حریف پاکستان‘ بھارت ٹیموں کے درمیان کوئی میچ نہیں کھیلا جائے گا۔ایونٹ کی ٹاپ 5 ٹیمز براہ راست 2025 ء میں ہونے والے ورلڈ کپ کیلئے کوالیفائی کریں گی۔