لاہور(سپورٹس رپورٹر)انڈونیشیا کے شہر جکارتہ میں جاری ایشیا ہاکی کپ میں پاکستان نے عمان کو دو کے مقابلے میں پانچ گول سے ہرادیا۔انڈونیشیا کے شہر جکارتہ میں جاری ایشیا ہاکی کپ میں پاکستان نے عمان کو دو کے مقابلے میں پانچ گول سے ہرادیا،پاکستان کی جانب سے 19 ویں منٹ میں رانا وحید نے 21ویں منٹ میں غضنفر علی نے29 ویں اور 30 ویں منٹ میں رضوان علی نے دونوں گول پینلٹی کارنر کی مدد سے سکور کئے،دوسرے ہاف کے 32ویں منٹ میں معین شکیل نے گول سکور کیاجبکہ عمان کی جانب سے کھیل کے 11ویں منٹ میں الفرازی نے 44ویں منٹ میں المینی نے گول کیا،پاکستان پانچویں پوزیشن کا میچ یکم جون  ساڑھے گیارہ بجے کھیلے گا۔
 ایونٹ کا سپر فور مرحلہ آج سے شروع ہوگا۔ بھارت‘جاپان ‘جنوبی کوریا اور ملائیشیا کی ٹیمیں مد مقابل ہونگی ۔