لاہور(سپورٹس ڈیسک) آسٹریلوی کپتان ایرون فنچ نے انڈین پریمیئر لیگ میں شاندار کارکردگی کے بعد بین الاقوامی کرکٹ میں ٹم ڈیوڈ کے ممکنہ کال اپ کا اشارہ دیا ہے۔ ٹم ڈیوڈ جو سنگاپور میں پیدا ہوئے لیکن مغربی آسٹریلیا میں پلے بڑھے‘ ٹی ٹونٹی بلاسٹ مقابلے میں لنکاشائر کیلئے کھیلنے کیلئے انگلینڈ روانہ ہوئے۔ایرن فنچ نے کہا کہ ٹم ڈیوڈ بہت ہی مہارت سے کھیلتے ہیں جو کہ ایک اچھے کھلاڑی کو کھیلنا چاہئے۔ انہوں نے یہاں تک آنے کیلئے کافی جدوجہد کی ہے،جس کا اندازہ اس کی کارکردگی سے لگا سکتے ہیں۔ مستقبل میں ٹم ڈیوڈ بین الاقوامی کرکٹ بھی کھیلیں گے۔