لاہور(سپورٹس رپورٹر) فائیو اے سائیڈ ہاکی ٹورنامنٹ میں شرکت کیلئے پاکستانی ٹیم آج شب سوئٹزرلینڈ روانہ ہوگی۔سوئٹزرلینڈ میں چار اور پانچ جون کو ہاکی فائیو اے سائیڈ ٹورنامنٹ کھیلا جائیگا، جس میں قومی پہلی بار اس فارمیٹ میں شرکت کریگی۔فائیو اے سائیڈ ٹورنامنٹ میں ہر ٹیم پانچ ارکان پر مشتمل ہوتی ہے ۔پاکستان ٹیم ایونٹ کے پہلے روز بھارت ‘ پولینڈ سے مقابلہ کرے گی، دوسرے روز میزبان سوئٹزرلینڈ اور ملائیشیا کیساتھ پنچہ آزمائی ہوگی۔قومی ٹیم کے کوچز ریحان بٹ اور وقاص شریف کا کہنا ہے کہ ٹورنامنٹ مشکل ضرور ہے تاہم بھارت کو ہرانے کی مکمل صلاحیت رکھتے ہیں، نئے فارمیٹ سے لڑکوں کو سیکھنے کا موقع ملے گا۔ دس رکنی سکواڈ میں وقار یونس گول کیپر، احتشام اسلم، عقیل احمد، محمد مرتضی یعقوب، تنظیم الحسن کپتان، ارشد لیاقت، حسان امین، ابوزر، عبدالرحمن اور محمد شاہ زیب شامل ہیں۔