شیخوپورہ(نمائندہ خصوصی) مسلم لیگ (ن) پی پی 139 کے کنوینئر چوہدری شہباز چھینہ نے کہا ہے کہ ملکی سلامتی اور دفاع کو مضبوظ بنانے کیلئے نواز شریف نے امریکہ سمیت دیگر ممالک کا دباؤ خاطر میں نہ لاتے ہوئے اٹیمی دھماکے کئے اورسکیورٹی اداروں کو مضبوط کیا، پاکستان کو ایٹمی قوت کا تحفہ سابق وزیر اعظم میاں نواز شریف نے دیا اسی کا نتیجہ ہے کہ آج پاکستان دفاعی لحاظ سے ایک ناقابل تسخیر قوت اور مربوط ملک ہے، ان خیالات کا اظہار انہوں نے میڈیا کے نمائندوں سے گفتگو کرتے کیا،چوہدری شہباز چھینہ نے کہا کہ اٹیمی دھماکوں کی وجہ سے مملکت خداداد پاکستان کی عسکری قوت میں ناقابل فراموش اضافہ ہوا پاکستان کا ایٹمی قوت بننامیاں نواز شریف کی جرات و وطن سے محبت کا اعلیٰ و نادر نمونہ ہے، مسلم لیگ (ن) اور پاکستان کا بچہ بچہ ایٹمی قوت کا محافظ ہے، نواز شریف کی قیادت میں پاکستان کی سلامتی اور استحکام کیلئے ہر سطح پر جدوجہدجاری رکھیں گے۔