لاہور(سپورٹس رپورٹر) انٹریشنل کرکٹ کونسل نے ٹی ٹونٹی ورلڈ کپ 2024 کے کوالیفکیشن طریقے کار کا اعلان کردیا۔آئی سی سی کے مطابق ورلڈ کپ 2024 میں 20 ٹیمیں شرکت کریں گی امریکہ اور ویسٹ انڈیز کی ٹیمیں بطور میزبان ورلڈ کپ میں براہ راست کوالیفائی کریں گی۔ایونٹ میں دس ٹیموں کی کوالیفکیشن کا فیصلہ رینکنگ کی بنیاد پر کیا جائیگا۔آئی سی سی کا کہنا ہے کہ میگا ایونٹ میں بقیہ آٹھ ٹیموں کا فیصلہ کوالیفائر میچز کے بعد کیا جائیگا۔واضح رہے کہ دنیا کی 66 کرکٹ ٹیمیں ورلڈ کپ میں جگہ بنانے کیلئے کوالیفائر میچز کھیلیں گی۔