کابل( نیٹ نیوز) افغانستان میں طالبان حکومت نے اپنی آرمی کی بھارت میں عسکری تربیت پر آمادگی کا اظہار کرتے ہوئے کہا ہے افغان آرمی کی بھارت میں ٹریننگ پر کوئی مسئلہ نہیں ۔ بھارتی چینل کو انٹرویو دیتے ہوئے افغان وزیر خارجہ عبداللہ یعقوب نے کہا طالبان حکومت کو اپنے آرمی افسران کی بھارت میں ٹریننگ پر کوئی اعتراض نظر نہیں آتا۔  انہوں نے کہا ’بالکل اس میں ہمیں کوئی مسئلہ نہیں ، افغان بھارت تعلقات مستحکم ہوں گے اور اس معاملے پر غور کیا جاسکتا ہے، اس میں کوئی مسئلے کی بات نہیں۔  ایک اور سوال کے جواب میں انہوں نے واضح کیا ہم بھارت سمیت دیگر تمام ممالک کیساتھ اچھے اور مستحکم سفارتی تعلقات کے خواہاں ہیں، بھارت کے ساتھ سیاسی اور سفارتی تعلقات کی بنیاد پر ہی دفاعی تعلقات کے بارے میں آمادہ ہوں گے۔انہوں نے زور دیا پاکستان اور بھارت اپنے تعلقات میں بہتری کے لیے مذاکرات کا راستہ اپنائیں، طالبان انتظامیہ دنوں ممالک کے دوطرفہ معاملات میں مداخلت نہیں کرنا چاہتی۔ انہوں نے مزید کہا ’ہم دہشت گردی کے لیے پاکستان کو افغان سرزمین استعمال کرنے نہیں دیں گے اور اسی طرح بھارت کو پاکستان کے خلاف دہشت گردی کے افغانستان کی سرزمین استعمال کرنے نہیں دیں گے۔