لاہور(سپورٹس ڈیسک ) انگلینڈ نے نیوزی لینڈ کو آئی سی سی ٹیسٹ چیمپئن شپ کے سلسلہ میں کھیلے سیریز کے پہلے ٹیسٹ میچ میں 5وکٹوں سے شکست دے کر ایک صفر کی برتری حاصل کرلی ۔ میزبان انگلش ٹیم کو جیت کیلئے 277رنز کا ہدف ملا جو میچ کے چوتھے دن پانچ وکٹوںپر 279رنز بناکر پورا کرلیا۔ سابق کپتان جوروٹ نے ناقابل شکست 115رنز کی اننگز کھیلی ۔ بین فوکس 32رنز پر ناقابل شکست رہے ۔ شاندار سنچری بنانے پر جو روٹ کو میچ کابہترین کھلاڑی قرار دیا گیا ۔نیوزی لینڈ نے پہلی اننگز میں 132اور دوسری میں 285رنز بنائے تھے ۔ انگلینڈ نے پہلی اننگز میں 141رنز بنائے تھے ۔