لاہور(سپورٹس ڈیسک )بھارتی خاتون کرکٹر میتھالی راج نے ٹوئٹر پر ایک پیغام میں "انٹرنیشنل کرکٹ کے تمام فارمیٹ سے ریٹائر ہونے کا اعلان کردیاہے۔39سالہ میتھالی راج نے لکھاکہ مجھے لگتا ہے کہ اب میرے کھیل کے کیریئر کے اختتام کا بہترین وقت ہے کیونکہ ٹیم کچھ بہت باصلاحیت نوجوان کھلاڑیوں کے قابل ہاتھوں میں ہے اور بھارتی کرکٹ کا مستقبل روشن ہے۔اگرچہ اس نے اس بارے میں کوئی ٹھوس اشارے نہیں دیے کہ اس کے مستقبل کے منصوبے کیا ہیں، لیکن انہوںنے کہا کہ وہ اس کھیل سے جڑی رہیں گی۔ جب بھی میں نے میدان میں قدم رکھا، میں نے بھارت کی جیت میں مدد کرنے کے ارادے کیساتھ اپنی بہترین کارکردگی کا مظاہرہ کیا۔ میں ہمیشہ ترنگے کی نمائندگی کرنے کے موقع کی قدر کروں گی۔یہ ایک اعزاز کی بات ہے کہ میں نے اتنے سالوں تک ٹیم کی قیادت کی۔ اس نے یقینی طور پر مجھے ایک شخص کے طور پر تشکیل دیا اور امید ہے کہ بھارتی خواتین کرکٹ کو بھی تشکیل دینے میں مدد ملی۔