لاہور(نامہ نگار)پیپلز پارٹی وسطی پنجاب قیادت نے سینیٹر سکندر مندھیرو کے انتقال پر اظہار رنج و غم کرتے ہوئے کہا کہ ڈاکٹر سکندر مندھیرو کے انتقال سے پارٹی ایک وفادار ساتھی سے محروم ہو گئی۔اپنے مشترکہ تعزیتی بیان میں سپیکر قومی اسمبلی و صدر پیپلز پارٹی وسطی پنجاب راجہ پرویز اشرف،سینئر صوبائی وزیر اور جنرل سیکرٹری وسطی پنجاب حسن مرتضی اور سیکرٹری اطلاعات شہزاد سعید چیمہ نے کہا ہے کہ سکندر مندھیرو کے انتقال کی خبر سن کر صدمہ ہوا۔