اسلام آباد (خبرنگار خصوصی) بری فوج کے سربراہ جنرل قمر جاوید باجوہ کی ہدایات پر اپنی جان کو خطرے میں ڈال کر جلتے ہوئے آئل ٹینکر کو بہادری سے آبادی سے دور لیجانے والے ڈرائیور فیصل بلوچ کو کورہیڈکوارٹر کوئٹہ مدعو کیا گیا۔ پاک فوج کے شعبہ تعلقات عامہ (آئی ایس پی آر) کے مطابق آئل ٹینکر کے ڈرائیور فیصل بلوچ جلتے آئل ٹینکر کو 3کلومیٹر تک آبادی سے دور لے گئے اور قیمتی جانیں بچائیں۔ اس بہادری کے اعتراف میں انہیں کور ہیڈکوارٹرز کوئٹہ میں مدعو کیا گیا، اور انہیں نقد انعام سے نوازا گیا۔