لالہ موسیٰ: غیرت کے نام پر بھائی نے 14 سالہ بہن کو قتل کر دیا
لالہ موسیٰ (نامہ نگار) نواحی گاؤں میں 14سالہ دوشیزہ کو غیرت کے نام پر قتل کر دیا گیا۔ بھائی بہن کے پیٹ پر فائر مار کر فرار ہوگیا۔ پولیس موقع پر پہنچ گئی۔تھانہ ککرالی کے گاؤں ساہن کلاں میں 14سالہ بچی ماجدہ کو اس کے بھائی نے پیٹ میں گولی مار کر قتل کردیا۔
ملزم موقع سے فرار ہونے میں کامیاب ہوگیا۔ قتل کی اطلاع ملتے ہی ککرالی پولیس موقع پر پہنچ گئی اور دوشیزہ کی نعش پوسٹمارٹم کیلئے روانہ کردی۔ پولیس مصروف تفتیش ہے۔
