لاہور(سپورٹس رپورٹر)لاہور قلدنرز نے کپتان شاہین شاہ آفریدی کو مہنگی گاڑی کا تحفہ دینے کا وعدہ پورا کردیا۔لاہور قلندرز ہائی پرفارمنس سینٹر میں دو روز پہلے ہونے والی تقریب میں چیف ایگزیکٹو آفیسر عاطف رانا نے پاکستان سپر لیگ7کے فاتح کپتان کو گاڑی پیش کی۔ عاطف رانا کا کہنا تھا کہ شاہین نے لاہور قلندرز سے اپنے سفر کا آغاز کیا، شاہین کی لگن، سخت محنت اور جذبے نے قلندرز کو اس مقام تک لانے میں اہم کردار ادا کیا جس پر  خدمات کو سراہتے ہیں۔شاہین آفریدی کا کہنا تھا کہ ایمرجنگ کیٹگری سے آکر کپتان بنا، یہ اعزاز ہے۔