لاہور(سپورٹس رپورٹر+خبر نگار)کمشنر لاہور کیپٹن (ر) محمد عثمان اور سیکرٹری سپورٹس و یوتھ افیئرپنجاب اسد اللہ فیض نے ہاکی کھیل اور گراس روٹ ٹیلنٹ کیلئے لاہور ڈویژن میں کمشنر انڈر 13 ہاکی لیگ کرانے کا فیصلہ کیا ہے۔ لاہور کے تمام اضلاع کی انڈر 13 ٹیموں کے لیے لیگ میچز کرانے کا فیصلہ کیا گیا۔ کمشنر لاہور نے کہا کہ آسٹروٹرف پر کھیلنے والی ٹیموں اور کلبوں کی سرپرستی ڈی سیزکریں گے۔ پوری انتظامی مشینری بھرپور ساتھ دیگی۔ فاتح عالم پاکستان ہاکی کھیل زوال کا شکار ہے۔ سیکرٹری سپورٹس پنجاب نے کہا کہ لاہور ڈویژن میں انعقاد کے بعد پورے پنجاب میں انڈر 13ہاکی لیگز کا انعقاد ہوگا۔کمشنر لاہور اجلاس کو ویڈیولنک پر ہالینڈ کے معروف ہاکی پلیئر ٹان لینگ جن ہوئسن نے بھی جوائن کیا۔کمشنر لاہور نے انڈر 13ہاکی لیگ کیلئے تمام ڈی سیز اور ڈی او سپورٹس کا کل اجلاس بھی بلا لیا۔