ڈکیتی کی واردات میں شہری کی مزاحمت پر2 ڈاکو گرفتار
کاہنہ(نامہ نگار) کاہنہ کے علاقہ پانڈو کی کا اللہ وسایا بھٹی اپنی موٹر سائیکل پر قصور جا رہا تھا کہ 2نامعلوم ڈاکوؤں جوموٹرسائیکل پرسوارتھے نے اس سے 4لاکھ کیش گن چھین لیا۔ فرار ہو نے لگے تو اللہ وسایا کے مزاحمت کرنے پر کچھ رقم زمین پر گر گئی۔ ملزم باقی رقم لیکراپنی موٹر سائیکل چھوڑ کر کھیتوں کی طرف فرارہوگئے ۔اللہ وسایا اور عثمان نامی ایک راہگیرنے ان کا تعاقب کیا۔ فائرنگ سے ایک ڈاکو سلیم زخمی ہو گیا۔ قریبی گاؤں کے لوگوں نے دونوں ڈاکوؤں سلیم اور منصب کو پکڑ لیا اور خوب دھلائی کرنے کے بعد پولیس کے حوالے کردیا۔
