لاہور(سپورٹس رپورٹر)سپورٹس بورڈ پنجاب کے زیراہتمام اور رانا ظہیر ہاکی اکیڈمی کے تعاون سے جاری ہاکی ٹریننگ کیمپ میں ڈچ کوچ رولٹ اولٹمینزنے کھلاڑیوں اور کوچز کو جدید ہاکی پر لیکچردیا، رولٹ اولٹمینزنے کھلاڑیوں کو جدید ہاکی کی تکنیکس کے بارے میں چارٹ کی مدد سے آگاہی دی۔ رولٹ اولٹمینز نے کہا کہ کھلاڑیوں کو جدید ہاکی کیلئے خود کو تیار کرنا ہوگا،جدید ہاکی کو سمجھنا وقت کی اہم ضرورت ہے،کھلاڑیوں کو ایکسر سائز بھی کرائی گئی، تربیتی کیمپ کے بارے میں ڈائریکٹر جنرل سپورٹس پنجاب جاوید چوہان نے کہا کہ رولٹ اولٹمینز جیسے لیجنڈ کوچ کے تجربے سے استفادہ کررہے ہیں،  60 سے زائدانڈر21کھلاڑی، سپورٹس بورڈ پنجاب کے 30اور رانا ظہیر ہاکی اکیڈمی کے30کوچز تربیت حاصل کر رہے ہیں۔ہاکی میں دوبارہ اعلیٰ مقام حاصل کرنے کیلئے اقدامات کررہے ہیں، کیمپ کا مقصد کوچز اور کھلاڑیوں کو جدید ہاکی کے بارے میں آگاہی دیناہے۔