لاہور(سپورٹس رپورٹر ) پاکستان سائیکلنگ فیڈریشن کے جنرل سیکرٹری معظم خان کلیئر کی پاکستان سپورٹس بورڈ کے ڈی جی کرنل(ر) آصف زمان سے ان کے دفتر خصوصی ملاقات ہوئی ‘ان کے ہمراہ امجد نواز خان اور محمد وقار بھی موجود تھے۔وفد نے ڈی جی کے بھتیجے نور زمان کو ایشین جونیئر سکوائش چیمپین شپ جیتنے پرخصوصی مبارکباد پیش کی۔ جنرل سیکرٹری معظم خان نے اس موقع پر خصوصی تحفہ پیش کرتے ہوئے ڈی جی کا شکریہ ادا کیا کہ انہوں نے اپنی مصروفیات سے وقت نکالا اور پاکستان میں سائیکلنگ کو پیش آنے والے مسائل سے انہیں آگاہ کرتے ہوئے ووڈن ویلوڈروم بنانے کی درخواست بھی کی۔