لاہور ( خصوصی نامہ نگار)تحریک منہاج القرآن کے روحانی سرپرست قدوۃ الاولیا حضرت پیر سیدنا طاہر علائو الدین القادری الگیلانی ابغدادی کے 31ویں عرس مبارک کے موقع پردربار عالیہ غوثیہ بغداد ٹائون (ٹائون شپ) لاہور سمیت دنیا بھر میں روحانی و دعائیہ تقریبات شروع ہو گئیں۔ پیر السید عبد القادر جمال الدین القادری الگیلانی البغدادی،صاحبزادہ السید احمدنور الدین القادری الگیلانی،صاحبزادہ السید یحیی شمس الدین القادری الگیلانی نے غسل مبارک و چادر پوشی اور عرس مبارک کی تقریبات میں خصوصی شرکت کی۔ ناظم اعلیٰ منہاج القرآن انٹرنیشنل خرم نواز گنڈاپور،راجہ زاہد محمود،حاجی امین الدین قادری،شہزاد رسول قادری،حافظ امین الدین القادری سمیت منہاج القرآن کے رہنمائوں،کارکنان،بزم قادریہ اور عقیدت مندوں کی بہت بڑی تعداد موجود تھی۔غسل مبارک و چادر پوشی کی تقریب میں دربار شریف پر موجود نعت خوان حضرات اور حاضریں نے بارگاہ رسالت مآبؐ میں درود و سلام کا نذرانہ پیش کر کے ایک روحانی و وجدانی کیفیت پیدا کر دی۔پیر السید عبد القادر جمال الدین القادری الگیلانی البغدادی نے ملکی سلامتی،خوشحالی کیلئے خصوصی دعا کی۔