گوجرانوالہ (نمائندہ خصوصی) مسلم لیگ ن کے سٹی نائب صدر جمشید ایوب بٹ نے کہا ہے کہ حمزہ شہباز کی جانب سے گوجرانوالہ میں سرکاری یونیورسٹی کے قیام کا اعلان شہریوں کے لئے بڑی خوشخبری ہے ، ن لیگ ن گوجرانوالہ کو میگا پراجیکٹس دینے کی روایت برقرار رکھی ہے ، ان خیالات کا اظہار انہوںنے اپنے ایک بیان میں کیا ،  وزیر اعلیٰ پنجاب نے عوامی مطالبے پر گوجرانوالہ میں سرکاری یونیورسٹی کے قیام کا اعلان کر کے عوام کے دل جیت لئے ہیں ، ن لیگ واحد جماعت ہے جسکا وعدوں نہیں بلکہ عوام کی عملی خدمت پر پختہ یقین ہے پی ٹی آئی کی حکومت اپنے چار سال میں عوام کو صرف وعدوں اور سبز باغ کے لولی پاپ دیتی رہی اور بار بار اعلانات کے باوجود کسی بھی میگا پراجیکٹ کی ایک اینٹ بھی نہیں رکھی جاسکی ۔