لاڑکانہ (نیوز رپورٹر‘ نوائے وقت رپورٹ) لاڑکانہ میں بلدیاتی انتخابات میں چیئرمین پیپلزپارٹی اور وزیر خارجہ بلاول بھٹو زرداری  اپنا ووٹ کاسٹ نہیں کر سکے۔ ذرائع کے مطابق بلاول بھٹو دادی کے انتقال کی وجہ سے کراچی میں مصروف ہیں۔ اس لئے وہ اپنا ووٹ کاسٹ نہیں کر سکے۔ ذرائع کا کہنا ہے کہ آصف زرداری کی والدہ کے انتقال پر آج کراچی میں ہی بعض مذہبی رسومات ادا کی گئیں۔ بلاول بھٹو کراچی میں مذہبی رسومات میں مصروف رہے جس کے باعث وہ اپنا ووٹ کاسٹ کرنے لاڑکانہ نہیں جا سکے۔ ادھر کراچی کے شہریوں کے لئے جدید ٹرانسپورٹ سے متعلق اچھی خبر سامنے آ گئی ہے۔ چیئرمین پیپلز پارٹی بلاول بھٹو زرداری آج (پیر) کراچی کے لئے پیپلز بس سروس منصوبے کا افتتاح کریں گے۔