فیروزوالہ (نامہ نگار) جی ٹی روڈ پر کالا شاہ کاکو (چوک کچاکوٹھا سٹاپ )میں واقع کریانہ کی دکان پر 2 ڈاکو دن دیہاڑے گاہکوں کے روپ میں آئے اور دکاندار عمر حیات اور متعدد گاہکوں کو لاکھوں روپے نقدی اور موبائل فونز سے محروم کر کے فرار ہوگئے ۔ ڈاکو جاتے ہوئے دس کلو آٹے کا تھیلا بھی اٹھا کر لے گئے ۔اسی علاقہ میں 4 ڈاکوؤں نے موٹرسائیکل سوار نوجوان رانا یاسر کو لوٹ لیا ۔لاہور روڈ چونگی کے  نہرکے کنارے ناکہ لگا کر کھڑے چار ڈاکوؤں نے ایک فیملی کو لوٹ لیا اور ان سے ایک لاکھ 25 ہزار روپے اور 2 قیمتی موبائل فونز چھین کر فرار ہوگئے ۔