شہباز شریف ، بلاول کی ملاقات ، اتحا دیوں سے متعلق امور پر تبادلہ خیال
اسلام آباد ( نمائندہ خصوصی +این این آئی) وزیر اعظم شہباز شریف سے وزیر خارجہ بلاول بھٹو زرداری نے ملاقات کی جس میں چین سے ملنے والے فنڈز اور آئی ایم ایف سے متعلق امور پر گفتگو ہوئی۔ ملاقات میں اتحادیوں سے متعلق معاملات پر تبادلہ خیال ہوا۔ ذرائع کا کہنا ہے کہ ملاقات میں چین سے ملنے والے فنڈز اور آئی ایم ایف سے متعلق امور پر گفتگو ہوئی۔ وزیر اعظم نے سندھ میں بلدیاتی الیکشن میں پیپلز پارٹی کی کامیابی پر بلاول بھٹو کو مبارکباد بھی دی۔اسلام آباد سے نمائندہ خصوصی کے مطابق بلاول بھٹو زرداری سے ان کی دادی زرین آراء زرداری کے انتقال پر راجہ پرویز اشرف، فرحت اللہ بابر، راجہ ریاض، چوہدری یاسین، منظور احمد وٹو، مصطفی نواز کھوکھر ، قمر زمان کائرہ، مہدی شاہ، عامر فدا پراچہ، شمیم آفریدی، سحر کامران، امجد آفریدی، شاہ گل آفریدی، انجینئر شوکت اللہ، نواب زادہ افتخار احمد خان بابر، محمد علی شاہ باچہ، نوید جیوا، تسنیم قریشی، امتیاز صفدر وڑائچ، رانا شرافت علی ودیگر نے ملاقات کی اور تعزیت کی۔
