لاہور(سپورٹس رپورٹر)قومی ہاکی ٹیم کو9 سال بعد اذلان شاہ ہاکی ٹورنامنٹ میں شرکت کا دعوت نامہ موصول ہوگیا۔ پاکستان ہاکی ٹیم سلطان اذلان شاہ ہاکی کپ دو ہزار بائیس کا ایڈیش کھیلے گی، ایونٹ میں شرکت کیلئے پاکستان ہاکی فیڈریشن کو دعوت نامہ موصول ہوگیا ہے۔سلطان اذلان شاہ ہاکی کپ رواں سال پندرہ نومبر سے پچیس نومبر تک کوالمپور میں کھیلا جائے گا، سال دوہزار تیرہ کے بعد یہ پہلا موقع ہوگا جب پاکستان اس ٹورنامنٹ میں شرکت کرے گا۔عالمی وبا کرونا کے باعث گذشتہ دو سال کے درمیان ایونٹ کا انعقاد نہیں ہوسکا تھا۔سلطان اذلان شاہ ہاکی کپ میں پاکستان کی کارکردگی کا موازنہ کیا جائے تو قومی ٹیم نے تین بار یہ ایونٹ اپنے نام کیا ہے۔