لاہور(لیڈی رپورٹر)مسلم لیگ(ن) کی رکن پنجاب اسمبلی حناپرویز بٹ نے کہا کہ مسلم لیگ(ن) کا ہر کارکن اپنے قائد میاں نوازشریف کی واپسی کیلئے پرجوش ہے۔پاکستان کی ترقی سے نوازشریف کو مائنس کردیں تو پیچھے صرف اندھیرا رہ جائے گا۔مسلم لیگ (ن) کے تینوں اداروں میں پاکستان کی تاریخ کے سب سے بڑے میگا پروجیکٹ مکمل ہو ئے ہیں۔سی پیک بھی نوازشریف نے شروع کیا تھا اور مکمل اس کو وہی کریں۔اسحاق ڈار کی پاکستان واپسی معیشت کیلئے اچھا سگنل ہوگی۔اسحاق ڈار کو ملکی معیشت کو درست سمت پر ڈالنے کا بہترین تجربہ ہے۔انکا ماضی انکی بہترین کارکردگی کا گواہ ہے۔جو عمرانی وزراء اسحاق ڈار پر مصنوعی طریقے سے ڈالر کنٹرول کرنے کا الزام لگاتے تھے وہ اپنی جادوگری سے بھی ڈالر کنٹرول نہیں کرسکے۔انہوں نے مزید کہا ملکی معیشت کا بیڑہ غرق کرنے والے نام نہاد معاشی ماہرین کس منہ سے آج معیشت پر لیکچر دے رہے ہیں۔شوکت ترین نے عمران خان کی ایماء پر آئی ایم ایف سے بیانک معاہدہ کیا جس کی قیمت آج پوری قوم ادا کررہی ہے۔