لاہور(نامہ نگار)پیپلز پارٹی وسطی پنجاب کے زیر اہتمام ضلعی سطح پر سابق وزیر اعظم بینظیر بھٹو کی سالگرہ تقریبات کا سلسلہ جاری ہے۔جس کے تحت شیخوپورہ اور گجرات میں سالگرہ تقریبات کا آج اہتمام کیا جا رہا ہے۔اس سلسلے میں صوبائی وزیر اور پیپلز پارٹی وسطی پنجاب کے جنرل سیکرٹری سید حسن مرتضی آج شام 5بجے پیپلز پارٹی شیخوپورہ کے زیر اہتمام منڈی جھبراں سے پارٹی کے ٹکٹ ہولڈر ممتاز مون خان کی طرف سے اور رات 9بجے گجرات میں سابق ایم این اے اور ڈپٹی جنرل سیکرٹری وسطی پنجاب ثمینہ پگانوالہ اور فخر پگانوالہ کی طرف سے سالگرہ تقاریب میں بطور مہمان خصوصی شرکت کریںگے۔تقاریب میں پیپلز پارٹی وسطی پنجاب کے انفارمیشن سیکرٹری شہزاد سعید چیمہ،ذوالفقار علی بدر ،فیصل میر،ڈویڑنل صدر گوجرانولہ آصف بشیر بھاگٹ، پیپلز پارٹی لاہور رورل کے صدر رائے شاہ جہاں بھٹی،چودھری ضیاء محی الدین،ڈاکٹر زاہد ظہیر،محسن ملہی،زاہد حسین سلیمی اور دیگر رہنما شرکت کرینگے۔