لاہور(سپورٹس رپورٹر)پاکستان کے ٹینس سٹار اعصام الحق نے ومبلڈن چیمپئن شپ میں فاتحانہ آغاز کرتے ہوئے مینز ڈبلز کا پہلا میچ جیت لیا۔ اعصام الحق کے پارٹنر قازقستان کے ایلکزینڈر نیڈویوسوو ہیں۔مینز ڈبلز کے پہلے میچ میں پاک قازق جوڑی کا مقابلہ امریکہ کے مارکوس گیرون اور آسٹریلیا کے جیمز ڈکورتھ کی جوڑی سے تھا ۔2گھنٹے 25منٹ تک جاری رہنے والا میچ اعصام اور نیڈویوسوو نے 4سیٹس میں جیتا ۔ان کی جیت کا سکور 3-6،6-7، 1-6اور 2-6رہا۔مقابلے کے دوسرے سیٹ کے سوا پورے کھیل میں اعصام اور نیڈویوسوو حریف پر چھائے رہے اور یوں انہوں نے میچ جیت کر رائونڈ آف 32میں اپنی جگہ پکی کرلی۔