لاہور(سپورٹس رپورٹر)پاکستان کے سابق اسپیڈ اسٹار شعیب اختر نے گزشتہ روز پنڈی کرکٹ سٹیڈیم میں قومی ٹیسٹ سکواڈ سے ملاقات کی۔سری لنکا کے خلاف دو میچوں کی ٹیسٹ سیریز کیلئے قومی ٹیم پنڈی سٹیڈیم میں ٹریننگ کر رہی ہے۔ راولپنڈی میں قومی مینز ٹیم کا گزشتہ روزکا تربیتی سیشن بارش کے باعث منسوخ کر دیا گیا ہے۔سکواڈ 6 جولائی کو جمع ہو گا اور پھر سری لنکا پرواز کرے گا۔دنیا کے تیز ترین باؤلر کو ہیڈ کوچ ثقلین مشتاق نے مدعو کیا۔ کپتان بابر اعظم سمیت کھلاڑیوں نے شعیب اختر سے ملاقات کی اور ان کے تجربات استفادہ کیا۔سابق سپیڈ سٹار نے اپنے ٹوئٹر پر کھلاڑیوں سے ملاقات کی تصویر بھی شیئر کی ہے جس میں انہیں کھلاڑیوں کے ساتھ مشغول ہوتے دیکھا جا سکتا ہے۔