چیف آف آرمی سٹاف انٹر کلب ہاکی چیمپئن شپ‘کراچی ٹیم فائنل میں پہنچ گئی
لاہور(سپورٹس رپورٹر)چیف آف آرمی سٹاف صوبائی ہاکی چیمپئن شپ میں کراچی کی ٹیم حیدرآباد کو 2-4سے ہرا کرفائنل میں پہنچ گئی۔ روایتی حریفوں سمیع عابد ہاکی کلب حیدرآباد اور یوتھ ہاکی کلب کراچی کے درمیان میچ سنسنی خیز رہا۔ حیدرآباد کے ظفر علی اور محمد قیس نے ایک ایک گول کیاجبکہ کراچی کے حارث نصیر نے ہیٹ ٹرک بنائی، چوتھا گول علی آفریدی نے کیا۔
، کامیابی کیساتھ ہی کراچی نے فائنل میں رسائی حاصل کرلی جہاں اس کا مقابلہ لاڑکانہ سے ہوگا، میچ کے اختتام پر یوتھ کلب کے کھلاڑیوں نے اپنے کوچ رشاد حیدر کو کندھوں پر اٹھاکر جشن منایا اور جئے کراچی کے نعرے لگائے، میچ کے مہمان خصوصی سابق ڈسٹرکٹ ہیلتھ آفیسر ڈاکٹر محمد حسین ابڑو نے سندھ ہاکی ایسوسی ایشن کے سیکرٹری محمد رمضان جمالی کے ہمرہ کھلاڑیوں سے ملاقات کی۔
