لاہور(سپورٹس رپورٹر)انگلینڈ کے ہاتھوں بھارت کی شکست کے بعد اب ورلڈ ٹیسٹ چیمپئن شپ کے پوائنٹس ٹیبل پر پاکستانی ٹیم نے بھارت کو پیچھے چھوڑ دیا۔پوائنٹس ٹیبل پر پاکستان ٹیم تیسرے نمبر پر آگئی جبکہ بھارتی ٹیم چوتھے نمبر پر چلی گئی ہے۔انگلینڈ کے خلاف سلو اوور ریٹ کی صورت میں 2  پوائنٹس گنوانے پر بھارتی ٹیم چوتھے نمبر پر گئی۔آسٹریلیا نے ورلڈ ٹیسٹ چیمپئن شپ کے فائنل کیلئے اپنی جگہ تقریباً پکی کرلی ہے۔اسی وجہ سے پاکستان، جنوبی افریقہ اور بھارت کے پاس ورلڈ ٹیسٹ چیمپئن شپ کے فائنل میں پہنچنے کے یکساں مواقع موجود ہیں۔نئی ٹیسٹ چیمپئن شپ کی درجہ بندی کے مطابق آسٹریلوی ٹیم 84 پوائنٹس کیساتھ پہلی، جنوبی افریقہ 60 پوائنٹس کیساتھ دوسری، پاکستان 44 پوائنٹس کیساتھ تیسری، بھارت چوتھی، ویسٹ انڈیز پانچویں، سری لنکا چھٹی، انگلینڈ ساتویں، نیوزی لینڈ آٹھویں اور بنگلہ دیش نویں پوزیشن پر موجود ہے۔