وزیراعظم نے 6 وزارتوں کے پارلیمانی سیکرٹریوں کا تقرر کر دیا
اسلام آباد (خبرنگار) وزیر اعظم پاکستان میاں محمد شہباز شریف نے مختلف وزارتوں کیلئے چھ مزید پارلیمانی سیکریٹریز کی تقرری کر دی ہے۔ مسلم لیگ ن کی ڈسکہ سے رکن قومی اسمبلی سیدہ نوشی افتخار کو وزارت انسانی حقوق، مسلم لیگ ن کی تاندلیانوالہ سے رکن قومی اسمبلی عائشہ رجب بلوچ کو بورڈ آف انسویسٹمنٹ، مسلم لیگ ن کے پھول نگر سے رکن قومی اسمبلی رانا محمد اسحاق خان کو فنانس اینڈ ریونیو، رانا ارادت شریف خان کو انرجی و پاور ڈویژن، سردار محمد عرفان ڈوگرکو ہیریٹیج اینڈ کلچر ڈویژن اور مسلم لیگ ن کی رکن قومی اسمبلی زین جعفر کو وفاقی تعلیم و پیشہ ورانہ تربیت کا پارلیمانی سیکرٹری مقرر کردیا گیا ہے۔
