الیکشن کمشن نے پی ٹی آئی کی 5 مخصوص نشستوں پر ناموں کے نوٹیفکیشن جاری کر دیئے
اسلام آباد (خصوصی نامہ نگار) الیکشن کمشن آف پاکستان نے پاکستان تحریک انصاف کی 5 مخصوص نشستوں کے نوٹیفکیشنز جاری کر دیئے۔ تفصیلات کے مطابق الیکشن کمیشن نے پاکستان تحریک انصاف کی بتول زین جنجوعہ، سائرہ رضا، فوزیہ عباس نسیم کے نوٹیفکیشنز جاری کر دیئے۔ الیکشن کمشن نے 2 اقلیتی نشستوں پر حبکوک رفیق ببو اور سیموئل یعقوب کا مخصوص نشستوں پر نوٹی فکیشن جاری کیا ہے۔ واضح رہے کہ عدالتی فیصلے کے بعد گزشتہ روز الیکشن کمشن نے تحریک انصاف کی مخصوص نشستوں کیلیے امیدواروں کو طلب کیا تھا۔ الیکشن کمشن نے تحریک انصاف کی ترجیحی امیدوار بتول جنجوعہ، سائرہ رضا اور فوزیہ عباس کو خواتین کی نشستوں پر کاغذات کی تفصیلات جاننے کیلئے بلایا تھا۔ جبکہ اقلیتی نشستوں پر حبکوک رفیق اور سیموئل یعقوب کو بھی الیکشن کمشن نے طلب کیا تھا۔
