فیصل آباد (نمائندہ خصوصی) ڈکیتی، راہزنی اور چوری کی پچاس وارداتوں میں اڑھائی کروڑ سے زائد مالیت کی نقدی، موبائل فونز، طلائی زیورات، قیمتی سامان، مویشی، دو رکشے اور پندرہ موٹر سائیکل چھین لیے گئے جبکہ ڈاکوؤں نے مزاحمت پر فائرنگ کر کے دو نوجوانوں کو لہولہان کر دیا۔ تھانہ فیکٹری ایریا کے علاقہ ڈجکوٹ روڈ پر سرسید ٹاؤن میں اٹھارہ سالہ عدنان شریف اور تاندلیانوالہ کے علاقہ پنڈی شیخ موسیٰ میں اکیس سالہ اظہر احمد کو دوران واردات مزاحمت کرنے پر ڈاکوئوں نے اندھا دھند فائرنگ کر کے شدید زخمی کر دیا۔ زخمیوں کو تشویشناک حالت میں ہسپتال منتقل کر دیا گیا ہے، مدینہ ٹائون میں جاوید انور، 89 گ ب میں بشارت کے دفاتر، 100 ج ب میں غلام شبیر، راجہ پارک میں رفیق، 126 گ ب میں محمد علی کی دکانوں اور علی ہاؤسنگ کالونی میں دلاور سہیل، 198 ر ب میں شازیہ بی بی، چمڑا منڈی جڑانوالہ میں مظفر سعید، قصبہ تاندلہ میں مریم بی بی کے گھروں سے مجموعی طور پر ڈیڑھ کروڑ سے مالیت کی نقدی، طلائی زیورات، موبائل فونز اور قیمتی سامان ڈاکو اور چور لے گئے۔ عبداللہ گارڈن میں ندیم، کوریاں پل پر فیض عالم سے نقدی، موبائل فونز اور موٹر سائیکل اور ہلال احمر چوک میں آصف، مدینہ ٹائون میں زیارت، کینال روڈ پر علی اصغر، 195 ر ب میں راشد، پیپسی روڈ پر زمان، جڑانوالہ میں یونس، 183 گ ب میں شوکت، 283 گ ب میں عابد، 412 گ ب میں بلال، 431 گ ب میں عظیم عباس، 410 گ ب میں حسنین فرید، 195 گ ب میں رستم وغیرہ سے مجموعی طور پر تیس لاکھ سے زائد نقدی، دس درجن موبائل فونز اور قیمتی سامان مسلح ڈاکو چھین کر لے گئے جبکہ 275 ج ب میں ارسلان کی گاڑی سے بارہ بورے سوتر، امین پارک سے احسان کا واٹر پمپ، 383 گ ب سے نواز، 448 گ ب سے عبدالحمید کے ساڑھے تین لاکھ مالیت کے مویشی، رسول پورہ سے اسلم الیاس، 241 ر ب سے جمیل کے رکشے اور الائیڈ ہسپتال سے اشرف اور نعمان، سول ہسپتال سے معید احمد، سدھو پورہ سے اسماعیل، شاہی چوک سے ساجد مقبول، کلیم شہید پارک سے راشد، 214 ر ب سے اسلم، علی ٹاؤن سے عدنان، بلال نگر سے احمد یار، پیپلز کالونی نمبر دو سے اکرم، فتح آباد سے عثمان، کھرڑیانوالہ سے زوہیب، گڑھ سے ظفر کی موٹر سائیکلیں چور لے گئے۔
ڈاکے