رافیل نڈال اور آسٹریلوی ٹینس سٹار کے ٹور نا منٹ کے سیمی فائنل کیلئے کوالیفائی کرلیا
لاہور(سپورٹس ڈیسک)22گرینڈ سلام کے چیمپئن رافیل نڈال اور آسٹر یلوی ٹینس سٹار نک کرگیوس ومبلڈن اوپن ٹینس ٹورنامنٹ کے سیمی فائنل میں پہنچ گئے۔ ہسپانوی رافیل نڈال نے امریکہ کے ٹیلر فریٹز کو کانٹے دار مقابلے کے بعد شکست دی۔ میچ چار گھنٹے 20 منٹ تک جاری رہا۔ آسٹریلوی نک کرگیوس نے چلی کے کرسچین گارن کو شکست دے کر پہلی مرتبہ گرینڈسلام ٹورنامنٹ کے سیمی فائنل میں پہنچنے کا اعزاز حاصل کیا۔وہ 2005کے بعد ومبلڈن سیمی فائنل میں پہنچنے والے پہلے آسٹریلوی ٹینس کھلاڑی ہیں۔بھارتی ثانیہ مرزا اور ان کے کروشین جوڑی دار میٹ پاویک کا رواں سال کے تیسرے گرینڈ سلام ومبلڈن اوپن ٹینس ٹورنامنٹ کے مکسڈ ڈبلز مقابلوں کے سیمی فائنل سے شکست کے بعد باہر ہوگئے ۔سیمی فائنل میچ میں برطانوی ٹینس سٹار نیل سکوپسکی اور ان کی امریکی جوڑی دار میری کرازیک پر مشتمل سیکنڈ سیڈڈ جوڑی نے بھارتی ثانیہ مرزا اور ان کے کروشین جوڑی دار میٹ پاویک کو6-4، 5-7 اور4-6سے شکست دیکر فائنل کیلئے کوالیفائی کرلیا ، فاتح جوڑی کا مقابلہ میتھیو ایبڈن اور ان کی ہم وطن جوڑی دار سمانتھا سٹوسرپر مشتمل آسٹریلوی جوڑی سے ہوگا۔
