کراچی سے کالعدم تنظیم کے 2 دہشت گرد گرفتار‘دونوں بھائیوں سے دستی بم‘ موبائل فون برآمد
کراچی (نوائے وقت رپورٹ) وفاقی حساس ادارے اور ملیر پولیس نے کراچی کے علاقے شاہ لطیف میں کالعدم تنظیم داعش سے تعلق رکھنے والے دو دہشت گرد گرفتار کر لئے۔ پولیس کے مطابق گرفتار دونوں دہشتگرد سگے بھائی ہیں۔ ملزموں سے اسلحہ‘ دستی بم اور موبائل فونز برآمد کر لئے گئے۔ گرفتار دہشت گردوں نے نوجوانوں کو دہشت گردی کی تربیت کیلئے افغانستان بھیجنے کا انکشاف کیا ہے۔ دونوں ملزم 2006 ء سے 2021 ء تک تسلسل سے افغانستان جاتے رہے۔
