کوٹ ادو،ہارون آباد(خبر نگار، نامہ نگار)  کرنٹ لگنے سے اذان دیتے شہری سمیت3 افراد جاں بحق۔ کوٹ ادو سے خبر نگار کے مطابق پل اٹھاسی کی جامع مسجدیارسول اللہ کے مؤذن حافظ خلیل احمدنے اذان  کیلیے مائیک پکڑا اور اللہ اکبرکی صدابلندکی تو اسی اثناء میں مائیک میں بجلی کا کرنٹ آگیا اور مؤذن حافظ خلیل احمد کرنٹ لگنے سے موقع پر ہی جاں بحق ہوگیا۔ہارون آباد  سے نامہ نگارکے مطابق نواحی گاوں 61فور آر میں 70سالہ راشدہ بی بی گھر میں کام کاج میں مصروف تھی کہ پنکھا چلاتے ہوئے کرنٹ لگ گیا جس سے راشدہ بی بی جاں بحق ہوگئی  تین بہنوں کا اکلوتا بھائی اظہر حسین گھر میں سویا ہوا تھا اور اسکے گھر والے کام کی غرض سے گھر سے باہر گئے ہوئے تھے جب گھرواپس آئے تو پنکھا اسکے اوپر گرا ہوا تھا اور وہ جاں بحق ہوچکا تھا ذرائع کے مطابق اظہر حسین لاہور نجی فیکٹری میں ملازمت کرتا تھا اور گزشتہ رات صبح تین بجے عید کی چھٹیاں گزارنے گھر پہنچا تھا ۔