لاہور(نامہ نگار)سابق رکن قومی اسمبلی اور پیپلز پارٹی وسطی پنجاب کی ڈپٹی جنرل سیکرٹری ثمینہ پگانوالہ نے مادرِ ملت فاطمہ جناح کو ان کی 55 ویں برسی پر خراج عقیدت پیش کرتے ہوئے کہا ہے کہ تحریک پاکستان میں قائد اعظم کے شانہ بشانہ چلنے پر پوری قوم آپ کی احسان مند رہے گی۔انہوں نے کہا کہ اقلیتوں،خواتین اور ملک میں جمہوریت کے احیاءکے لیے مادرِ ملت فاطمہ جناح کی فکر و دانش ہمارے لیے مشعل راہ رہے گی۔