فیروزوالہ(نامہ نگار) فیروزوالہ پولیس نے چارسالہ بچی کے اندھے قتل کاسراغ لگالیا ،قاتل زمینداراوراس کابیٹانکلے جن کوحراست میں لے لیاگیا۔ملزمان کی نشاندہی پرمقتولہ کی نعش برآمد۔ڈی ایس پی سرکل فیروزوالہ میاں شفقت علی نے بتایاکہ 18جون کومرل پارمیں زمیندار محمد یوسف کی چارسالہ بیٹی مزلفہ یوسف گھرکے قریب کھیت میں درخت سے جامن اکٹھے کررہی تھی کہ اس دوران زمیندارمبشرعلی اوراس کے بیٹے اللہ وارث نے جامن توڑنے پر بچی کو اینٹ مارکرہلاک کردیا۔قتل کی واردات کوچھپانے کی خاطر نعش ا ٹھاکرقریبی نہرکے کھال میں میں پھینک دی ۔بعد میں ملزمان نے قتل کا سراغ مٹانے کیلئے نعش کو وہاں سے اٹھاکرگاﺅں کے جوہڑ میں پھینک دیا اورروپوش ہوگئے۔ملزمان نے مقتولہ کے باپ کےساتھ تعلقات رکھے‘ پولیس نے زمیندارمبشرعلی اوراس کے بیٹے اللہ وارث کو شک کی بناپرشامل تفتیش کیاجنہوںنے ابتدائی تفتیش میں ہی اعتراف جرم کرلیا۔پولیس نے زمیندارمبشرعلی کی نشاندہی پر قریبی جوہڑ میں پھینکی گئی معصوم مقتولہ کی نعش برآمد کی ۔