شیخوپورہ(نمائندہ خصوصی) مسلم لیگ (ن)کے ضلعی رہنما سابق چیئر مین بلدیہ میاں امجد لطیف نے کہا ہے کہ عمران خان کا دوبارہ وزیراعظم بننے کا خواب کبھی پورا نہیں ہوگاانکاعوامی حمایت حاصل ہونے اور انتخابات جیتنے کا دعویٰ دیوانے کے خواب کی مثال ہے جو کبھی شرمندہ تعبیر نہیں ہوگا، عمران خان اب ایک شکست خوردہ کھلاڑی سے زیادہ حیثیت نہیں رکھتے، ن لیگ ضمنی الیکشن میں تاریخی کامیابی حاصل کرے گی،سازشی عناصر کی ملکی سیاست میں اب کوئی جگہ نہیں، اپنے ایک بیان میں میاں امجد لطیف نے کہا کہ ضمنی الیکشن سے قبل ہی پی ٹی آئی کی طرف سے دھاندلی کا واویلہ کرنے سے واضح ہوگیاکہ اپوزیشن سیاسی میدان میں مقابلہ کرنے کی ہمت نہیں رکھتی عوام آج بھی (ن) لیگ کو اپنی پہلی ترجیحی سمجھتی ہے شیر کا نشان جیت کا نشان ہوگا، پی ٹی آئی کے دور اقتدار میں پنجاب کے عوام کیساتھ ساڑھے تین سال جو ظلم کیا گیا ضمنی الیکشن میں عوام اس کا حساب لے گی اور واضح ہو جائیگا کہ پنجاب سے پی ٹی آئی کا صفایا ہوچکا ہے۔