لاہور(نامہ نگار)سٹی ٹریفک پولیس نے گزشتہ 5 روز میں ون ویلرز، ہلڑبازی، تیزرفتاری اور کم عمر ڈرائیورز کے خلاف سخت کریک ڈاؤن کیا۔ کم عمر ڈرائیورنگ پر 4 ہزار 219 گاڑی، موٹرسائیکل و رکشوں کو چالان ٹکٹ جاری کئے گئے۔ انتہائی خطرناک انداز میں موٹرسائیکل چلانے پر 278 موٹرسائیکلیں اور 61 رکشے تھانوں میں بند کیا گیا۔ ون وے ٹریفک کی خلاف ورزی پر 786 وہیکلز کو 2،2 ہزار روپے کے چالان جاری کئے گئے۔ اپلائیڈ فار 118 گاڑیوں جبکہ 230 کالے شیشوں والی گاڑیوں کیخلاف بھی کارروائی کی گئی۔ سٹی ٹریفک پولیس کی طرف سے مختلف شاہراہوں، تفریحی و تاریخی مقامات کے گردونواح میں ناکے لگائے گئے ۔