لاہور (کامرس رپورٹر) درجہ دوم گھی اور آئل بنانے والی کمپنیوں نے ایک کلو گھی اور ایک لیٹر کوکنگ آئل کی قیمت میں 30 روپے کمی کر دی۔ قیمتوں میں کمی کے بعد ہول سیل ریٹ میں 530 میں فروخت ہونے والے درجہ دوم گھی کی قیمت 500 روپے فی کلو ہو گئی۔ جبکہ آئل کی قیمت میں بھی اسی تناسب سے کمی کی گئی ہے۔ 30 روپے کمی کے بعد گھی اور آئل کی 12 پیکٹ کی پیٹی مجموعی میں 360 روپے کمی سے ہول سیل مارکیٹ میں 6000 ہزار میں فروخت ہو رہی ہے۔ گھی ڈیلرز کے مطابق آنے والے دنوں میں درجہ اول کے گھی اور آئل کی قیمتوں میں بھی کمی کا امکان ہے۔