اسلام آباد(خبر نگار) پارلیمانی سیکرٹری برائے انویسٹمنٹ عائشہ رجب بلوچ نے کہا ہے کہ پارٹی قیادت کے اعتماد پر انکی مشکور ہوں ان شاء اللہ قیادت کے اعتماد پرپورا اتروگی پارٹی کیجانب سے جو اسائنمنٹ دی جائیگی حتی الوسع کوشش ہو گی کہ اسے انتہائی خوش اسلوبی سے پورا کرو ان خیالات کا اظہار عائشہ رجب بلوچ نے لندن میں پارٹی قائد میاں محمد نواز شریف سے ملاقات کے بعد جاری بیان میں کیا لندن میں پارٹی قائد میاں نواز شریف کیساتھ اپنے برخوردار روشان رجب بلوچ کے ہمراہ ملاقات میںعائشہ رجب بلوچ نے پارٹی قائد کی خیریت دریافت کی اور انہیں صحت یابی اور جلد وطن واپسی کی دعا دی اس موقع پر سابق وزیر خزانہ اسحاق ڈار،رکن قومی اسمبلی محسن شاہنواز رانجھا اور دیگر قائدین بھی موجود تھے ۔ پارٹی قائد میاں نواز شریف کیساتھ عائشہ رجب نے ملکی سیاسی صورتحال پر بھی تبادلہ خیال کیا  اور بطور پارلیمانی سیکرٹری تقرری پر پارٹی قائد کا شکریہ اداکیا۔