لاہور(سپورٹس رپورٹر )  پشاور زلمی کا یوکے ٹیلنٹ کا پہلا مرحلہ مکمل ہوگیا۔ پشاور زلمی نے یوکے ٹیلنٹ ہنٹ کے پہلے مرحلے میں سات شہروں میں ٹرائلز لیے۔نیوکاسل گلاسگو برمنگھم لٹن ویلز لندن اور بریڈفورڈ میں ٹرائلز لیے گئے ،پشاور زلمی یو کے ٹیلنٹ کے پہلے مرحلے میں پندرہ سو سے زائد نوجوان کرکٹرز شریک ہوئے، 35نوجوان کرکٹرز کو شارٹ لسٹ کر لیا گیا۔محمد اکرم ڈائریکٹر کرکٹ پشاور زلمی نے کہا کہ جلد ایک اور فائنل ٹرائلز اور چند میچز کے بعد یوکے ٹیلنٹ ہنٹ سے کھلاڑیوں کا فائنل چناو کیا جائے گا ۔ برطانیہ کے بعد یورپ میں بھی ٹرائلز کا انعقاد کیا جائے گا۔پشاور زلمی کے چیئرمین جاوید آفریدی نے کہا کہ پشاور زلمی یو کے ٹیلنٹ ہنٹ کا مقصد چھپے ہوئے ٹیلنٹ کو سامنے لاناتھا۔ یوکے ٹیلنٹ ہنٹ کے دوران انگلش کائونٹیز اور پاکستان کمیونٹی سے زبردست رسپانس ملا برطانیہ کے بعد اب جلد یورپ کے مختلف ممالک میں بھی زلمی ٹیلنٹ ہنٹ کا انعقاد کیا جائے گا۔