ملتان (سپیشل رپورٹر)ضمنی الیکشن پی پی 217 میں جہاں سارا دن ماحول شدید تناؤ کا شکار رہا وہاں الیکشن کمیشن آفس میں نتائج کے اعلان کے وقت یہ کشیدگی دو ستی اور بھائی چارے میں بھی تبدیل ہو  گئی۔ الیکشن کمیشن آفس میں غیر حتمی غیر سرکاری نتائج کا اعلان ہوتے ہی سلمان نعیم نے آگے بڑھ کر زین قریشی سے مصافحہ کیا اور انہیں الیکشن میں کامیابی پر مبارکباد دی۔ ان کے اس اقدام پر زین قریشی نے بھی آگے بڑھ کے انہیں تھپکی دی اور پھر باہمی مسکراہٹوں کا تبادلہ ہوا۔سیاسی ذرائع نے سلمان نعیم کے اس اقدام کو سراہا اور اسے کشیدگی کے خاتمہ میں ایک بڑا قدم قرار دیا۔ ریٹرنگ آفس میں ہونے والی اس ملاقات کے دوران سلمان نعیم کا کہنا تھا کہ ہار جیت مقدر کا کھیل ہے۔ جبکہ زین قریشی نے کہا کہ اگر آپ نے ہماری بات پہلے مان لی ہوتی تو آپ آج اس جگہ نہ ہوتے۔
سیاسی رواداری